ASAYES (La scène): Ayaẓid izger avrid

Par Tarik Tinouche.

ASTEQSI : Acimi i izger uyaziḍ-a avrid ?
Yal wa tamuɣli-s.

AYAZIḌ : Quṭ quṭ quṭ

YIWEN IGZA-TENT MEṚṚA : Ad yeqqar ‘’Zegreɣ, ad zdiɣ lqedd-iw ; avrid-a d agejdur ahdum, acḥal n iyuzaḍ i immuten deg-s ur t-zgiren’’

DESCARTES : Izger acku ira ad iɛeddi akkin i uvrid.

PLATON : Ilha-yas ad izger ; akkin, i tella tidet.

ARISTOTE: Iyuẓad meṛṛa zegren iverdan.

HIPPOCRATE : D iẓẓi-s id–yeffin.

MARCO POLO : Akken ad iṛuḥ anda ur yekki yiwen n uyazid send-is (avant lui).

MUSA : Yuc iṣubb-ed seg yigenni, inna i uyaziḍ : ‘’Ilaq ad tzegreḍ avrid’’ ; ayaziḍ izger, Yuc ikunṭa.

BUDA : Asteqsi am wa d asenkeṛ di timmad-nwen akked d tudert-nwen d iyuzaḍ.

EINSTEIN : Ama d ayaziḍ i iddan deg uvrid ad t-izger neɣ d avrid i iḥerken ddaw tikli n uyaziḍ, aya imgarad (differe), wissen s wansa i d-teṭṭalayem adyan (évènement).

GALILEE : Et pourtant, yezger !

FREUD : Tecɣev-iken taluft acku tḥulfam s tɣellist ɣef tuẓẓuft-nwen (insécurité sexuelle).

MARX : D tikli n umezruy, ur yezmir ad ig akken nniḍen.

MACHIAVEL : Adyan (évènement) d akken ayazid-a werǧin izger avrid ; ur aɣ-d-tewqiɛ acimi. Iswi ad izger, daya ; akken ira ixdem, ilha ma yewweḍ. Ulac ccbaḥa deg udabu, ulac adabu war tixidas.

FERḤAT : Win izegren ɣef tidet yessawaḍ !

DE GAULLE : Avrid, avrid, avrid ; yal ayaziḍ izmer ad izger ayennat-a.

MACRON : Touche pas à mon coq … sportif !

LENINE : Ayazid amɣid (prolétaire) isevgen-d, deg udyan-a* (cet évènement) dakken ira ad issenser seg udaynin amsihran* (capitaliste) vu yiwet n tsertit (monopolitique). Ass mi iyuzaḍ imɣiden n umaḍal (monde) meṛṛa ad sdakkelen iɣalen-nsen, imiren kra ur ten-iḥebbes, ad zegren mebla akukuru iverdan i sen-rran imesvaɣuren* (les bourgeois) d tilisa ; imiren kan, amennuɣ n tserkam* (classes) n iyuzaḍ inemhalen* (travailleurs) ad yegmer lfayda n tidi-s.

Bill CLINTON : Ad galleɣ s tmendawt* (constitution) d akken kra ur d-iḍri gar-i d tyaziṭ n uyaziḍ-a; ur ẓriɣ acuɣer i d-izger ɣur-i.

TRUMP : Ayaziḍ-a izger avrid mgal akk isuḍaf* (lois) n Tuddsa n Yiɣlan Idduklen* (ONU). Aya d ddraɛ ɣef yiɣersiwen-nniḍen, d acqirrew di leǧnas, d tiseɣlit deg tugdut akked teɣdemt* (justice), d tiseɣlit deg tlelli n iyuzaḍ meṛṛa akked tukksa n leqder ɣef yifrax-nniḍen. Aya akk macci ḥala d azref ara ɣ-d-ifk ad d-nger iman-nneɣ maca d alas* (devoir) ad nḥud ɣef iɣersiwen n taddart-nni ; ur tuḥwaǧ ara ayazid am winna…Nsuref aṭas, wannag i nbumbaṛdi yakan avrid-nni seg wacḥal-aya.
… ihi akken ad nerr lehna di temnaṭ-a* (cette région), ad as-d-nerr udem ilhan i as-iṛuḥen, ilaq ad nesseɣli rrevrav-ayini wer iseɣ…ad nger tiṭ -d ufus- ɣef tfarest* (production) n tmellalin n yixxamen i d-izzin i uvrid-a i 10 isegassen i d-iteddun, alama tuɣal-d tudert di lehna …imiren ad kkrent tilelli akked tugdut, ad tuɣal tumert di temnaḍt-a n uvrid.
… akka ad neḥṛes dakken yiwen n uyaẓiḍ ur ittaɣal ad izger avrid.
… bla bla bla …ihi ad nebumbardi avrid-nni. Aḥuddu aḥunnu ɣef iWanaken yeDduklen n Marikan!

BEN LADEN : Izger upuliḍ-nni avrid akken ad irzu ar 4 tpuliḍin-ines timaynutin. Allah wakbar, win yellan yugi ass-nni ad issusem neɣ d asifeg uqerruy.

MARTIN LUTHER KING : Urgaɣ yiwen n umaḍal anda iyuzaḍ meṛṛa d ilelliyen, sɛan akk azref ad zegren iverdan i asen-ihwan, akken i asen-ihwa.

DDA LMULUD : D tazegrawt (La traversée) ! Yal wa ad iɛeddi avrid-is maca taɣlamt* (la caravane) ad tkemmel tikli-s.
Yella wabɛaḍ izger yella, yella wabɛaḍ yella ur izgir.

Bill GATES : Tura kan i d-nessufeɣ afaris (produit) amaynut « Chiken Office 2018 » ; wayi, macci ḥala izegger akk iverdan anda ma yella maca isseḥbibir ula ɣef tmellalin, ad ismiles (classera) ifrax meṛṛa ara d-yufraren, ad iḥud iyuẓad seg yivirusen n lexlawi, atg.

Tamesgida (Église) n SCIENTOLOGIE : Sseba, ha-tt-an deg-wen i tella ; taɣzint (la raison) deg-wen daɣen maca urɛad ur tḥulfam s yis-sent. Tlaq-awen tasleṭ tapsikulujit, ad tafem s yiman-nwen ayen i ifren, sseba akked taɣzent ; sserset-ed ḥala 10 000 € yal tikelt mi ara d-tasem, ad tafem lehna i wulawen-nwen.

Ayrton SENNA : Ur gziɣ ara ; wannag ishel-as ad izger ; ur t-seɣesveɣ ara.
-Richard VIRENQUE : Ziɣ ttafgen yiwtal ; nnan-iyi-d d ayaziḍ.

J.C.VANDAMME : Apuliḍ-a, avrid-nni, izger acku yeẓra ad izger ; teẓram avrid-nni d tamettant, ayazid d tudert, ihi, illu d tudert, wer tadyant, ihi ayaziḍ wer d tamettant. Amedya : nekk ‘’super-star’’, d tudert , d asirem, d amennuɣ, mi i d-iɛdda ukamyun-nni di ‘’Timecop’, iweḍ-d ar zdat-i, imiren, nekk J.C.Vandamme akked yillu nuɣal d yiwen; am uyaziḍ-nni, illu neɣ cciṭan, akka avrid yuɛer . D tugna (image) ilhan aṭas. Tegziḍ-d neɣ ad ɛiwdeɣ ?

RCD : Nnig uvrid, ddaw uvrid, leqrar-is d abrid.

FFS : Aaaahhh…eeehhhh…, seg wass-mi iṛuḥ Dda L’Ho, iṛuḥ lfaks-ines; eeehhhh … ih… acu ara d-nini ? Ehhh…

VU TČERYULT (Butef) : Nesɛa ttawa-‘’bête’’ ! Ayaziḍ-a, werǧin ad izger, werǧin ad izger, werǧin ad izger !
AMEDYAZ AMEQQṚAN AFILUẒUF : Nekk d acennay, xḍiɣ i tsertit, xḍiɣ i ssyaḍa s iɣimi …maca ma d ayaẓid n Illula, ihi werǧin ad yaweḍ.
-ABDELWAHAB ABǦAWI : Ah ah a Belyaẓit, lemer ad k-ṭṭfen ifasen-iw !

TAYAZIḌT n AT VELQASEM: Taɣaḍt n Belqasem, ḥala Sikadir i tessen, hahaa… (d asefk i Belkacem Sikadir).

Tarik Tinouche

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s